ქართული ტოლერანტობის ერთი გამოვლენის შესახებ
DOI:
https://doi.org/10.61491/yk.17.2025.12202საკვანძო სიტყვები:
ვაჟა-ფშაველა, ქართული ფოლკლორი, გლობალიზმი, ტოლერანტობაანოტაცია
ტოლერანტობა თანამედროვეობის უმნიშვნელოვანესი საზოგადოებრივი, პოლიტიკური და კულტუროლოგიური შინაარსის მატარებელი მოვლენის ამსახველი საერთაშორისო ტერმინია. სტატიაში ეს ტერმინი გამოყენებულია ერთ სახელმწიფოში ორი ან მეტი ეთნოსის მშვიდობიანი თანაარსებობის, კულტურათა სფეროში მულტიკულტურალიზმის სასაფუძვლო ცნების შინაარსის გამოსახატად, რომლის ქართულ ანალოგად შესაძლოა გამოყენებულ იქნეს შემწყნარებლობა.
თემის აქტუალობა განისაზღვრება იმით, რომ ქართული სახელმწიფო ისტორიულად სხვადასხვა ეთნოსების მშვიდობიანი თანაარსებობით გამორჩეული ქვეყანაა, სადაც დომინანტი ქართული კულტურა არასოდეს ყოფილა შემზღუდავი და მდევნელ-შემავიწროვებელი საქართველოს ხიზანი ეთნოსებისა და მათი კულტურული იდენტობისა.
სტატიაში ანალიზისა და სინთეზის, ტექსტის ემპირიული კვლევის მეთოდებით გამოვლენილი და დადგენილია, რომ ქართველი ხალხი და მისი კულტურა თავისთავად, მენტალურად არის ტოლერანტული.
მეცნიერულ სიახლეს წარმოადგენს ტოლერანტობის ასპექტში ვაჟა-ფშაველას პოემა „სტუმარ-მასპინძლისა“ და ქართული ფოლკლორული თქმულების – „ყარაული შიბუს ჭალაში“ კომპარატივისტული ანალიზი. გაკეთებულია დასკვნა, რომ ქართული ტოლერანტობა ისტორიით განპირობებული მოვლენაა და მისი გასაოცარი შინაარსი უკვე ქართველი ხალხის ზეპირ უავტორო ლიტერატურაშია წარმოდგენილი.
Downloads
გამოქვეყნებული
ციტირების წესი
გამოცემა
სექცია
ლიცენზია
This work is licensed under a Creative Commons Attribution 4.0 International License.
CC BY 4.0 Attribution 4.0 International Deed ლიცენზიით ყველა უფლება ეკუთვნით ავტორებს. ჟურნალი სარგებლობს პირველი, ექსკლუზიური გამოქვეყნების უფლებით, საავტორო უფლებების მიღების გარეშე.
