ზემოიმერულ კილოკავში არსებული გასტრონომიული სალექსიკონო მასალის ზოგადი მიმოხილვა
DOI:
https://doi.org/10.61491/yk.15.2023.8059საკვანძო სიტყვები:
იმერული დიალექტი, ზემოიმერული მეტყველება, გასტრონომიული ლექსიკაანოტაცია
ენის ლექსიკური შემადგენლობა ემყარება ლექსიკურ ფონდს, რომლისგანაც გრამატიკული წყობის დახმარებით ხდება მთლიანი ენის სისტემის ჩამოყალიბება. აღსანიშნავია, რომ ენა ცვალებადია და მისი ლექსიკური ფონდი დიალექტური სიტყვების ნაზავს წარმოადგენს. ამრიგად, დიალექტური ლექსიკა ერთ-ერთი ყველაზე მნიშვნელოვანი რამაა ენისათვის. სწორედ მასშია დაცული ენის უამრავი საინტერესო ფორმა, რაც კვლევების მრავალმხრივი გაშლის საშუალებას იძლევა.
ზემოიმერულ დიალექტში არსებული გასტრონომიული სალექსიკონო მასალის ზოგადი მიმოხილვა მნიშვნელოვანია რეგიონის კულინარიული მემკვიდრეობის შესანარჩუნებლად, ადგილობრივი წეს-ჩვეულებებისა და ტრადიციების გასაგებად და რეგიონის საკვებთან ურთიერთობის შესასწავლად.
ზემოიმერული კილოკავის გასტრონომიული ლექსიკის შესწავლა საშუალებას გვაძლევს გავიგოთ, როგორ განვითარდა ეს კონკრეტული კილოკავი რეგიონისთვის უნიკალური კულინარიული ტრადიციებისა და კულტურული პრაქტიკის ზეგავლენით.
რეგიონის სპეციფიკური კულინარიული ლექსიკის შესწავლითა და დოკუმენტირებით შესაძლებელი ხდება ზემო იმერეთის უნიკალური ტრადიციებისა და ენობრივი მემკვიდრეობის დაცვა. უფრო მეტიც, აღნიშნული, ასევე, ხაზს უსვამს მრავალფეროვანი კულტურული პრაქტიკის შენარჩუნებისა და აღნიშვნის მნიშვნელობას.
