წელიწდეული

ჟურნალი "წელიწდეული" წარმოადგენს ქუთაისის ილია ჭავჭავაძის სახელობის საჯარო ბიბლიოთეკის ყოველწლიურ რეფერირებად (რეცენზირებულ) სამეცნიერო გამოცემას.
ჟურნალში ქვეყნდება ქუთაისის ილია ჭავჭავაძის სახელობის საჯარო ბიბლიოთეკის მიერ ორგანიზებულ საერთაშორისო სამეცნიერო კონფერენციებზე წაკითხული მოხსენებები, ასევე რეცენზირებული ქართველოლოგიური (ენათმეცნიერული, ლიტერატურათმცოდნეობითი, ფოლკლორული, ისტორიოგრაფიული, კულტუროლოგიური, ეთნოლოგიური) გამოკვლევები.

ჟურნალის პირველი ნომერი გამოვიდა 2009 წელს. ჟურნალში განთავსებულ ნაშრომებს თან ერთვის უცხოენოვანი (ინგლისური, რუსული) რეზიუმეები. ჟურნალს ჰყავს ცნობილ ქართველოლოგთაგან დაკომპლექტებული სარედაქციო საბჭო. ჟურნალში ნაშრომები იბეჭდება სარედაქციო საბჭოს გადაწყვეტილებით რეცენზენტების მიერ წარმოდგენილი დადებითი დასკვნის საფუძველზე. ჟურნალში ვერ მოხვდება ის ნაშრომი, რომელიც არ შეესაბამება დადგენილ მოთხოვნებს, სტანდარტს.

სამეცნიერო გამოცემის ნაშრომების თემატიკა:

ჟურნალში ქვეყნდება სტატიები ჰუმანიტარული დარგის შემდეგი მიმართულებებით:

- ქართველოლოგია
- ენათმეცნიერება
- იბერიულ-კავკასიური ენები
- აღმოსავლეთმცოდნეობა
- ლიტერატურათმცოდნეობა
- ფოლკლორისტიკა
- ისტორიოგრაფია
- ეთნოლოგია
- არქეოლოგია
- კულტუროლოგია
- ხელოვნებათმცოდნეობა
- პოლიტოლოგია
- სოციოლოგია
- ფილოსოფია
- ფსიქოლოგია
- პედაგოგიკა